Бизнис
15. January 2021 - 21:16

Има ли план како да не пропадне зимската туристичка сезона?

Пад од 61% на вкупниот број на туристи во земјава заклучно со ноември лани, пресмета Државната статистика. Додека бројот на ноќевања е преполовен, споредено со истиот период претходната година.

Од Агенцијата за туризам се оптимисти дека зимската сезона ќе има добри резултати, со тоа што фокусот треба да се стави на домашните туристи.

Но, туристичките работници не го делат оптимизмот. Велат, зимските дестинации се полни само за викенд, а агенциите имаат сосема малку работа.

Ваучерите за туризам од 6.000 денари беа една од владините мерки што требаше да биде помош за граѓаните, но и да го поттикне туризмот. Но, се искористија едвај половина од нив.

Бројот на странски туристи кои ја посетиле земјава во периодот јануари-ноември лани е намален за 84%, ако се спореди со истиот период претходната година. Според туристичките работници, тоа што Македонија ги остави своите граници отворени и покрај пандемијата не е олеснителна околност бидејќи кога тие ќе се вратат во својата земја мора да бидат во изолација или карантин.