Македонија
9. August 2018 - 11:12

Именувани директори на осум национални институции од културата

Министерот за култура Асаф Адеми по спроведените конкурси именуваше директори на осум национални установи со полн мандат од четири години.

Како што објави Министерството за култура, Гордана Змејковска е именувана за директор на Библиотеката „Григор Прличев“ во Охрид, Маја Андоновска-Илијевски за директор на Центарот за култура во Битола, Роска Илиева - на Центарот за култура „Ацо Ѓорчев“ во Неготино. 

За директор на Народниот театар Битола со полн мандат е именуван Иван Јерчиќ. Благоја Атанасоски - на Завод за заштита на спомениците на културата и Музеј-Прилеп, Бобан Хусениковски - на Музеј-Гевгелија, Васо Ристов е именуван за директор на Македонската опера и балет и Ердоан Максут - за директор на Турски театар-Скопје.