Ирскиот селектор О’Нил со критики кон Герет Бејл

 

Мартин О’Нил селекторот на фудбалската репрезентација на Република Ирска, го критикуваше најдобриот велшки фудбалер Герет Бејл, но и неговите соиграчи за бројните груби стартови на меѓусебниот натпревар во Даблин, а во рамките од квалификациите за СП 2018 година, кој за заврши без голови 0:0. 

 

Како поткрепа за грубата игра на Велшаните, О’Нил го посочува стартот на Нил Тејлор по кој капитенот на Р. Ирска, Шејмус Колман заработи скршеница, а Тејлор црвен картон. Но, ирскиот селектор ги потенцира и грубостите на Бејл, кој исто така заработи жолт картон, па ќе го пропушти следниот меч во квалификациите. 

 

- По прегледувањето на телевизиската снимка само со жалење можев да го потврдам очајниот впечаток кој го оставија велшките фудбалери. Ги гледав стартовите врз Колман, но и О’Шеј, и можам да речам, тоа се бедно“, изјавил ирскиот селектор за ББЦ. 

 

Над играчот на Евертон, беше извршена операција, по што едно е јасно, дека на Тејлор му претстои подолг период на рехабилитација. 

 

Инаку, селекцијата на Република Ирска по пет одиграни кола е на делба на првата позиција со 11 бодови колку што има и Србија, која сепак е прва поради подобрата гол разлика.