Италијанскиот печат го нападна „слабакот“ Фетел
Расположението во таборот на Ферари не е добро по првата трка од Формула 1 за сезоната 2019. Четвртото место на Себастијан Фетел сепак доведе до прилично сериозни критики од страна на италијанскиот печат.
Тимскиот колега на Германецот, Шарл Леклер остана на петтото место, а на крајот на трката му беше наредено да не ја напаѓа позицијата на Фетел, кој беше видливо побавен од него. Во оваа фаза сепак никој не очекува од 21-годишниот Французин да ја прекине сушата без трофеј за „црните коњчиња“, бидејќи таа одговорност паѓа целосно врз плеќите на 4-кратниот светски првак.
Во текот на целиот викенд во Мелбурн, Ферари демонстрираше неспорно заостанување во однос на лидерот Мерцедес, а силното претставување на тимот во зимските тестови го прави недостатокот на темпо уште поалармантно. На Апенините фокусот се најде не толку на технолошкиот аспект на проблемите за „скудерија“ колку на Фетел, кој во даден момент од трката ги запраша инженерите во боксот каква е причината што болидот се движи толку бавно.
Почитуваниот весник „Газета дело Спорт“ беше прилично елоквентен во проценката на 31-годишниот Германец, чија изведба беше наречена „слаба“.
„Леклер изгледаше како пилотот со повеќе енергија и отворено призна дека му било кажано да остане зад Фетел во финалната фаза од трката“, додаде уште „Газета“.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање