Иво Санадер излегува на слобода
Вонрасправниот совет на Жупанискиот суд во Загреб денеска го укина притворот на поранешниот хрватски премиер и шеф на ХДЗ Иво Санадер, кој веќе во текот на денот може да биде пуштен на слобода.
Како што јавуваат хрватските медиуми, на Санадер, кој веќе три години е во притвор, ќе му биде вратен пасошот и ќе излезе без плаќање кауција.
Жупанискиот суд така одлучи откако Уставниот суд заклучи дека Врховниот суд на Санадер незаконски му го продолжил истражниот затвор кога на 30 септември ја укина неправосилната првостепена пресуда во случајот „Фими медиа“.
Како што изјави неговата адвокатка Јадранка Слоковиќх, на Санадер ќе му биде вратен пасошот бидејќи не постои можност од бегство, а кога ќе се раздолжи во затворот Реметинац, тој може веднаш да излезе на слобода.
На одлуката на вонрасправниот совет на Жупанискиот суд незадоволната страна има право на жалба, но таа не го одлага извршувањето.
Ново на Сител
-
Приведен крадец во Кочани, расчистени седум кривични дела
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела