Изгаснат шумски пожар кој зафатил и три куќи во село Вранинци
Припадниците на Територијалната противпожарна единица и на Доброволното противпожарно друштво од Кочани имаа ефикасна интервенција за гаснење шумски пожар во атарот на планинското село Вранинци.
Во огнот изгореа два хектара нискостеблеста шума, а зафатени биле и три објекти во селото во кои не живеел никој.
– Веднаш по пријавата за пожарот излеговме на терен со три возила и девет наши пожарникари, а поддршка добиме и од Доброволното противпожарно друштво од Кочани, од каде ни се придружија шестмина волонтери. Со брза и ефикасна интервенција спречивме огнот да се прошири и не предизвика поголеми штети. Поради стрмниот и тешко пристапен терен, потребни беа неколчку часа за целосно локализирање и ставање на пожарот под контрола, истакна Драган Апостолов, командир на ТППЕ – Кочани.
Заради утврдување на причините за пожарот увид на локацијата направија полициски службеници од Одделението за внатрешни работи од Кочани и надлежен инспектор.
Професионалните пожарникари и нивните колеги волонтери од Кочани упатија заеднички апел до граѓаните да не палат оган на отворено, да бидат внимателни и да ги почитуваат законските мерки при престој во шума.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово