Израелските сили убиле 17-годишно момче во Џенин
Израелските војници застрелаа и убија палестински тинејџер за време на конфликт што избувна кога Израелците рано утринава упаднаа во градот Џенин, на окупираниот Западен Брег, соопшти палестинското Министерство за здравство и локалните медиуми.
Израелската армија засега не даде коментар за инцидентот, што се случи по ноќните интензивни напади во Џенин, на северот на Западниот Брег, пренесуваат американските медиуми.
Палестинското министерство посочи дека убиениот тинејџер е Амџад ал-Фајед (17) и потврди дека уште еден 18-годишен Палестинец е во критична состојба, откако бил ранет од израелски оган.
Локалните медиуми јавија дека судирите избувнале пред бегалскиот камп во Џенин, по упадот на израелските сили во областа, но засега не се јасни околностите за смртта на младиот човек.
Израел тврди дека спроведува „контратерористички акции“ за апсење на екстремисти.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност