Јанев: Бугарија не фрлила 20.000 вакцини
Бугарското Министерство за здравство во моментов разработува план како да се реагира на евентуален нов бран од Ковид-19, изјави привремениот премиер Стефан Јанев во интервју за неделната емисија за внатрешна политика „Недела 150“ на Бугарското национално радио.
Како што јавува дописникот на МИА од Софија, Јанев во интервјуто коментира дека и покрај тоа што математиката е егзактна наука, тој не им верува на математичарите затоа што не знае какви броеви имаат.
„Не сум сигурен кои податоци ги имаат како почетна точка“, додаде тој, повикувајќи математиката да биде ставена настрана и да се слушаат лекарите.
Според привремениот премиер, лекарите мора да управуваат со медицинската криза.
-Вакцинацијата е важна и граѓаните на Бугарија треба да бидат убедени во потребата од неа. Во моментов бугарските власти ја разгледуваат можноста, кога ќе се изврши целосната вакцинација, луѓето да добиваат ваучери, изјави Јанев.
Тој ги негираше информациите што се појавија во странските медиуми дека Бугарија сакала да фрли 20.000 дози вакцини со изминат рок. „Тоа е текст во западно издание“, искоментира Јанев за тоа дека Бугарија и Романија фрлиле по 20.000 дози.
Јанев кажа дека Романија веќе има фрлено 20.000 дози, но не и Бугарија. Според него, на крајот на август Бугарија може да се соочи со ризик и можност да фрли вакцини, што нема да биде добро.
До крајот на следната недела, Бугарија ќе го претстави својот план за закрепнување на ЕУ, за кој ќе се дискутира, по што ќе биде презентиран на јавна дискусија меѓу бизнисот и граѓаните. Јанев предвидува дека до крајот на јули документот ќе биде претставен во Брисел и првите средства од него ќе бидат достапни од Бугарија есенва.
Премиерот Јанев ја коментираше и желбата на бугарската Влада да се бори против купувањето гласови. Според него, „војната за купен глас е во полн ек“.
-Станува збор за методичка активност на органите за спроведување на законот, кои прават се што е потребно за да се спречи овој грд феномен, што во пракса ја поткопува демократијата и го заменува вистинскиот глас на гласачите, прокоментира Јанев.
Ново на Сител
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка