Балкан
21. July 2021 - 13:22

Јанев: Се надевам дека во најскоро време Бугарија ќе добие функционална влада

Привремениот премиер на Бугарија, Стефан Јанев, по завршувањето на конститутивната седница на новиот парламент, изјави дека се надева дека во најскоро време ќе се формира функционална влада.

Како што јави дописникот на МИА од Софија, според Јанев најавената потреба од правосудна реформа е нешто што сите Бугари во моментов го очекуваат.

-Во многу од изјавите се слушнаа приоритетите, визии кои се совпаѓаат со оние што ги почна привремената влада, како во однос на трошењето јавни средства, здравствената заштита, така и во образованието, бизнисот и нејзината поддршка, рече Јанев.

Тој не ја исклучи можноста некои од министрите од привремената влада да бидат дел од новата влада на Бугарија.