Тенис
25. May 2017 - 16:45

Јотовски ќе игра против првиот носител во Добој

Македонскиот тенисер Томислав Јотовски се избори за второто четвртфинале оваа година на фјучрс турнир. Тој денеска во Добој на фјучрсот во рамките на 2.коло го победи седмиот носител Лукас Гомез од Мексико со 2-0 во сетови за 2 часа игра.

Нашиот тенисер го доби првиот сет со 6:2  во гемови, а во вториот беше 7:6 и 7:4 во тај брекот.
Во четвртфиналето ќе игра против првиот носител Љубомир Челебиќ од Црна Гора, кој е прв носител на турнирот.
Јотовски утре ќе има и меч во конкуренција на двојки, а настап ќе имаат во двојки и Горазд Србљак и Стефан Мицов.