Фудбал
17. January 2022 - 8:45

Јувентус одлучи да ја повлече понудата за нов договор на Дибала

 Јувентус одлучи да ја откаже понудата за напаѓачот Пауло Дибала за нов договор според кој тој ќе добива осум милиони евра годишно плус бонуси од два милиона евра годишно, објави „Скај спорт Италија“.

Според изворот, торинскиот клуб сака да му ја намали платата на играчот. Во клубот се уверени дека пред затворањето на зимскиот преоден рок нема да добие попрофитабилни понуди.

Се шпекулираше дека за Аргентинецот се заинтересирани Тотенхем, Барселона, Атлетико и Интер.

Дваесет и осумгодишниот Дибала на 20 натпревари за Јувентус оваа сезона постигна девет гола и забележа четири асистенции. Договорот на напаѓачот со торинскиот клуб е до 30 јуни 2022 година.

Порталот Трансфермаркт го проценува Аргентинецот на 50 милиони евра.