Каменос: Обама ќе инсистира на помош за Грција
Американскиот претседател Барак Обама ме увери дека тој ќе инсистира на помош за Грција, со цел нашата земја да излезе од кризата, изјави грчкиот министер за одбрана Панос Каменос кој го пречека Обама на атинскиот меѓународен аеродром.
- Со неговите лични интервенции, американскиот претседател Барак Обама и помогна на Грција во тешки времиња, како за прашања поврзани со долгот со неговата интервенција на 15 јули кај францускиот претседател Франсоа Оланд, така и со постојани јавни ставови за соработка во Алијансата и поддршка за Грција, изјави Каменос за „Реал ФМ“.
Тој додаде дека му се заблагодарил за тоа и го пречекал во име на целиот грчки народ, истакнувајќи дека „неговата последна посета како претседател не е само симболична, туку и важна затоа што се испраќа порака за излез од кризата“.
- Тој го прифати тоа и ми рече дека тоа го прави со сето свое срце, бидејќи ова е земја на демократијата и оти ќе инсистира на помош за Грција, со цел грчкиот народ и Грција да ја надминат кризата. Тој беше многу пријателски и среќен што е во посета на Грција и ни кажа дека било негова одлука да ја посети Атина за време на неговото последно патување како претседател, рече Каменос.
Обама во моментов е на средба со грчкиот претседател Прокопис Павлопулос, а потоа ќе се сретне и со премиерот Алексис Ципрас.
Ново на Сител
-
Битиќи: Работна недела од 7 часа дневно во одредени сектори во 2025
-
Македонија треба да врати 2,2 милиони евра потрошени за измами од „Еразмус плус“
-
Мицкоски најави нови проекти во Гевгелија
-
Бабовски: Кај нас нема од вафлите Нестле што се повлечени од хрватскиот пазар
-
Скопјанец наплаќал паркинг на државно земјиште
-
Кривична пријава за тројца полициски службеници за „несовесно работење во службата”
-
Вратен и третиот мандат за формирање влада, следат нови избори во Бугарија
-
Ѓурчески: Се сомневам дека Данка е киднапирана, детално чешлање на сите криминалци во тој регион