„Катимерини“: Дипломатски канал на комуникација меѓу Скопје и Атина за уставните измени
Постои отворен дипломатски канал на комуникација меѓу Атина и Скопје, за да се избегнат можни варирања од духот на Договорот од Преспа во уставната ревизија што е во тек во ПЈРМ, пишува грчкиот весник „Катимерини“, јави дописничката на МИА од Атина.
Според весникот, повод за ова е дискусијата за одредени точки во предлог амандманите, а особено и за членот 49.
– Атина има забелешки на констатацијата што преовладуваше во амандманот предложен од владата на Зоран Заев, барајќи усогласување со членот 108 од Уставот на Грција во однос на Грците во странство, пишува „Катимерини“ и додава дека „Заев остави отворени две можности, додавање нов амандман или приложување, по завршувањето на процесот на заедничка декларација, која ќе ги појаснува односите на граѓаните на ПЈРМ кои живеат надвор од нивната земја“.
Весникот, повикувајќи се на добро информирани извори пишува дека во овој момент, додека е во тек процесот на уставна ревизија, не може да постојат појаснувачки изјави.
– Оваа дискусија, некои во Атина ја гледаат како обид на ПЈРМ да остави отворени за интерпретација различни точки од Договорот од Преспа, вклучувајќи ги и оние кои што се однесуваат на уште помалку очигледни прашања, како што се оние што однесуваат на образованието или на трговските имиња, кои всушност, ќе се решат во втора фаза, многу подоцна по ратификацијата на договорот, наведува „Катимерини“.
Според весникот, од страна на Грција не постојат јавни притисоци и затоа е избрана тактиката по дипломатски канали.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри