Македонија
7. November 2018 - 12:17

Кичевските училишта немаат проблем со грејната сезона

Сите девет основни, двете средни училишта и единствената градинка во општина Кичево во целост се подготвени за претстојната грејна сезона.
 
– Навремено се снабдени сите училишта со нафта, но мора да истакнам со помош и на Владата на РМ која на училиштата со блокирани сметки им додели 100 000 литри нафта од државните резерви како донација, за што ние како општина плативме акциза и ДДВ за наведената количини за претстојната грејна сезона, вели Емин Насуфи од општина Кичево.
 
Тој додава дека училиштата кои се греат со дрва претежно во руралните средини исто така имаат набавено дрва за огрев, но и постапката за тендерирање за нови количини, посочува, е во завршна фаза.