Кинески град од 9,5 милиони жители затворен поради три нови случаи на коронавирус
Кинескиот град Харбин е затворен поради нови случаи на инфекција со коронавирус, а испратени се и национални здравствени службеници за да се справат со ново можно жариште.
Градот со 9,5 милиони жители во североисточна Кина денеска пријави три нови случаи на инфекција, еден ден откако беше пријавен првиот случај на инфекција во заедницата.
По првиот пријавен случај, властите почнаа масовно тестирање и ги затворија училиштата. Градските власти наредија затворање на поголеми места за собирање, како што се кина, кафулиња, спортски сали и салони за махџонг.
Градските власти бараат од граѓаните негативен тест за коронавирус за да патуваат, но дозволено е само неопходното патување, во спротивно на луѓето им е кажано да останат дома.
Кина успеа да спречи ширење на вирусот во нејзините граници со примена на скапа и строга стратегија која се потпира на заклучување и масовно тестирање.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица