Ќе ја убијат ако им земе пари, браќа од Врапчиште се заканувале на извршителка
Јавен обвинител од Основното јавно обвинителство Гостивар поднесе Обвинителен предлог против двајца браќа од селото Добри Дол во општина Врапчиште кои се товарат дека сториле кривично дело – Загрозување на сигурноста од член 144 став 3 во врска со став 1 од Кривичниот законик.
– Обвинетите, на возраст од 48 и 47 години, на 18 март ја загрозиле сигурноста на службено лице во вршење на службата, упатувајќи сериозна закана дека ќе нападнат врз животот и телото на извршителка од Гостивар. Тие дошле во службените простории на оштетената, која како службено лице презела извршни дејствија во предмет во кој двајцата се јавувале како должници. Откако им појаснила за што станува збор во предметот, тие започнале да и се закануваат дека не смее да им земе ниту еден денар или во спротивно ќе ја убијат. Извршителката настанот го пријавила во полиција, соопшти Јавното обвинителство.
Ново на Сител
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април
-
Битиќи: Работна недела од 7 часа дневно во одредени сектори во 2025
-
Македонија треба да врати 2,2 милиони евра потрошени за измами од „Еразмус плус“
-
Мицкоски најави нови проекти во Гевгелија
-
Бабовски: Кај нас нема од вафлите Нестле што се повлечени од хрватскиот пазар
-
Скопјанец наплаќал паркинг на државно земјиште