Ковачевски: Официјалните ставови за францускиот предлог ќе бидат соопштени откако ќе ги помине сите филтри
Вечерва премиерот Димитар Ковачевски на вонредна прес-конференција по одржаната владина седница изјави дека денеска пристигнал францускиот предлог и официјалните ставови ќе бидат соопштени откако предлогот ќе ги помине сите потребни филтри.
-Сакам да ве информирам дека денес во МНР пристигна предлог од француското претседателство кое се однесува на нашите јасни позиции и ставови во однос на спорот со Бугарија. Предлогот е стигнат по нашата интервенција и реакција во Брисел. Официјалните ставови за предлогот ќе бидат соопштени откако предлогот ќе ги помине филтрите на сите засегнати институции, ќе следи широк консултатитвен процес со владината коалиција а потоа и со претседателот на државата, со парламентот, со опозицијата како и со граѓанскиот сектор. Сакам да ги уверам граѓаните дека ние имаме план и стратегија која очигледно дава резултати, изјави Ковачевски.
Премиерот апелираше до сите политички актери и до медиумите да се воздржат од шпекулации и да се потпираат на официјални информации од институциите.
Ковачевски појасни дека процесот ќе биде транспарентен процес и тие ќе споделат со јавноста релевантни детали по што ќе може да се донесе финална одлука.
-Одлуката за нашата иднина ќе ја донесеме заеднички согласно стратешките интереси на земјата и сите граѓани, рече Ковачевски.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено