КСС: Платите во јавниот сектор да се усогласат со порастот на минималната плата
Конфедерацијата на слободни синдикати го поздравува зголемувањето на минималната плата, но бара усогласување со платите во јавниот сектор.
Според синдикатот, мора да се изврши усогласување на платите во јавниот сектор со порастот на минималната плата, бидејќи веќе сега има ситуации во кои е намалена разликата во платите што ја зимаат вработени на различни позиции во јавниот сектор. Со ваквото неусогласување, велат од Синдикатот, грубо се кршат колективните договори и им е нанесена штета на огромен број вработени во јавниот сектор.
-Во Законот за минимална плата, член 8, стои дека постојните колективни договори ќе се усогласат со овој закон најдоцна во рок од 6 месеци од стапувањето во сила на законот, рече претседателот на КСС, Благоја Ралповски на денешната прес-конференција.
Во дејноста детска заштита и образование има случаи кога вработени кои имаат различни бодови на плата земаат иста плата, бидејќи не е извршено усогласувањето на платите со зголемувањето на минималната плата.
– Ако Законот за минимална плата вели дека треба минималната плата да се усогласи со колективните договори, тоа мора да се направи. Еднаш засекогаш мора да се изнајде начин оваа урамниловка да се надмине. Решението е да бидеме поврзани со порастот на минималната плата, истакна претседателот на СОНК Јаким Неделков.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање