КЗБ не препорача нови мерки, апелира до граѓаните да се почитуваат актуелните мерки
Комисијата за заразни болести денеска одржа состанок на којшто ја разгледа епидемиолошката состојба во земјата, при што не препорача воведување на нови рестриктивни мерки, само апел до граѓаните за совесно однесување и почитување на мерките кои се во сила, односно задолжително носење на заштитни маски во здравствените установи, аптеките, јавниот превоз и згрижувачките установи.
– Во изминатата недела се забележува благ пораст на бројот на нови случаи за 8,5 проценти, што е значително понизок пораст споредено со претходната недела – 55,7 отсто и е во согласност со намалувањето на репродукцискиот број (Р0). Република Северна Македонија е во фаза на широка трансмисија, со соодветни капацитети за одговор, се вели во соопштението.
Комисијата посочува дека од особена важност е граѓаните кои имаат симптоми или се сомневаат дека се Ковид позитивни да се однесуваат одговорно и да ги заштитат луѓето околу себе, така што ќе избегнуваат близок контакт со други луѓе и престој во затворени простории без маски.
– Останува силната препорака за сите граѓани, а особено за граѓаните кои спаѓаат во ризични групи за потежок тек на болеста да се придржуваат до сите потврдени епидемиолошки мерки за заштита од инфекција, како често и темелно миење или дезинфицирање на раце, избегнување на метеж и престој во затворени и непроветрени простории и носење на заштитни маски, како и придржување до препораките за вакцинација против Ковид-19, апелира КЗБ.
Ново на Сител
-
Загина 22-годишно момче во тешка сообраќајка во Струмица
-
Арсовски: Сликата е од поодамна годинава, бев на одмор кај роднини сакаа да го видат син ми
-
Руската новинарка Овсјаникова обвинета за ширење лажни информации за армијата
-
Антониа Гиговска ќе пее на прослава за одбележување на Охридскиот рамковен договор организиран од МПСОЗ
-
Петрески за МИА: Ефектите од зголемувањата на каматната стапка треба допрва да се почувствуваат
-
Повреден моторциклист и сопатник малолетник од село Новак
-
Приведено лице од Битола за неовластено производство на дрога, поднесена кривична пријава
-
Бугарија објави тендер за дел од автопатот кон границата со Северна Македонија