ЛЕ: Дарко Велковски погоди против Сосиедад

Најнеизвесно во последното коло ќе биде во групата Ф, откако Наполи и Сосиедад не успеаја да ги потврдат фаворитските улоги. Наполи одигра само 1:1 на гостувањето кај холандскиот вице-шампион АЗ Алкмар, додека Сосиедад дома се „сопнаа“ против Риека, кои досега немаа ниту еден освоен поен. Дарко Велковски го постигна првиот гол за Риека за 0:1 во 38. минута, а тие двапати водеа, пред да се задоволат со реми. Во последното коло Наполи го пречекува Сосиедад во директна пресметка за пласман.