Лидерот на австриските националисти го повика Курц да почнат коалициски преговори
Националистичката Партија за слободата на Австрија (ФПО), која се пласираше на третото место на изборите во неделата, освојуваќи само еден пратеник помалку од Социјалдемократската партија (СПО), денеска побара да започнат преговори за формирање на десноориентирана владина коалиција.
Повикот е упатен до конзервативната Австриска народна партија (ОВП) на Себастијан Курц, која убедливо победи на изборите и има можност да избере дали ќе формира нова коалиција со ФПО или ќе го продолжи досегашниот коалициски договор со СПО.
- ФПО нема да прави компромиси по клучните прашања. Ние нема да паднеме на колена пред кого било, изјави лидерот на ФПО, Хајнц Кристијан Штрахе.
Штрахе бара од идната влада да воведе строга контрола на границите на Австрија, со цел да се запре „исламизацијата на земјата“. Тој воедно бара и да се намалат даноците, со цел да се стимулира австриската економија. По овие две прашања има висок степен на согласност меѓу конзервативците и националистите. За да го загарантира чувањето на границите, Штрахе бара неговата партија да го добие Министерството за внатрешни работи.
Ново на Сител
-
Вештачењето откри - Избришани повици и пораки од телефонот на мајката на исчезнатата Данка
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто