Локални поројни врнежи, ветер, грмежи и град викендов
Локални поројни врнежи од дожд, на места доста интензивни, во вид на невреме и проследени со ветер, грмежи и град се очекуваат викендов, информира Управата за хидрометеоролошки работи.
Ваквите процеси, како што се посочува, можат да предизвикаат појави на течење и слевање на вода низ градските улици поради неможноста за одведување на водата во толку краток временски интервал.
Исто така поради очекуваниот интензивен дожд локално на некои места, можно е брзо зголемување на водостојот на помалите реки и суводолиците и нивно локално излевање, покрај кои посочуваме за внимателно движење. За поголемите реки, засега не постои опасност од нивно излевање, иако е можно зголемување на нивниот водостој.
Утринските температури утре ќе се движат од 13 до 20 степени, а дневните од 25 до 31 степен. Во Скопје и околината утринската температура ќе достигне до 18 степени, а дневната до 30 степени.
Од понеделник до четврток во претпладневните часови ќе биде сончево со мала доумерена облачност, а во попладневните ќе има развој на нестабилна облачност со локален пороен дожд и грмежи, истакнуваат од УХМР.
Ново на Сител
-
Доларот зајакна петта недела по ред, порасна и цената на нафтата
-
Десет загинати во воздушен судар и уривање на два воени хеликоптери во Малезија | ВИДЕО
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи
-
Тошковски: Нова полициска станица во Кисела вода, за поефикасна полиција, побезбедни граѓани
-
Коалиција „Вреди“: Наши членови незаконски се задржани во полициска станица во Тетово