Фудбал
6. April 2016 - 9:46

Луис: И Суарез заслужи црвен картон

Барселона славеше над Атлетико Мадрид 2:1, во првиот четвртфинален натпревар во Лигата на шампионите. Барса победи со пресврт, со головите на Луис Суарез, откако претходно Атлетико остана со играч помалку поради исклучувањето на Фернандо Торес.
 
Суарез постигна два гола, вистински е херој на Барселона, но покрај головите тој уште еднаш jа покажа својата „темна страна“, немилосрдно ги удираше своите противници. Суарез најпрвин со кунг фу удар го удри Фелипе Луис, а потоа без топка го удри и Хуан Фран.
 
„Мислам дека некој ја заштитува Барселона. Кога играте против нив имате чувство дека секој ваш прекршок е поригорозно казнет од нивниот. Тоа ѝ нанесува штета на УЕФА. Мислам дека Торес не направи фаул за исклучување, но на судијата делуваше домашниот терен и фактот дека ѝ суди на Барселона“, рекол по мечот бекот на Атлетико Фелипе Луис.
 
Четвртфиналниот реванш, во Мадрид, ќе се одигра на 13.април.