„Македонски Телеком“ ќе ги автоматизира системите за наплата во соработка со „Стоунбренч“
Еден од водечките светски провајдери на динамички решенија за автоматизација во ИТ секторот, американскиот „Стоунбренч“ соопшти дека „Македонски телеком“ ја избрал оваа компанија за управување и автоматизација на апликациите за поддршка на фактурирање и наплата во реално време, меѓусебно поврзување, спречување измами и медијација при наплата, објави специјализираниот портал „ПРЊузвајр“.
Потпретседателот на „Стоунбренч“, Себастиојано Мион за порталот изјави дека се задоволни поради тоа што како свој партнер ќе го имаат тимот на „Македонскиот телеком“.
– Водечкиот пакет на „Стоунбренч“ за решенија за автоматизација, локалниот тим на експерти и експертизата во телекомуникациската индустрија го прават ова партнерство одлично, нагласува Мион.
Секторскиот директор во „Телеком“, Мирослав Јовановиќ во изјава за порталот вели дека оваа соработка се должи на напорите на операторот за дигитализација и иновации со цел да се обезбедат подобри услуги на клиентите.
– „Стоунбренч“ беше избран поради големото искуство на компанијата и специфичната стручност во автоматизацијата на софтвери во телекомуникацискиот сектор, нагласува Јовановиќ.
Во рамки на договореното, „Стоунбренч“ ќе отвори канцеларија во Скопје, со цел да обезбеди поблиска соработка со локалниот тим, како и лабораторија за развој и информатичко-технолошки операции (ДевОпс) за сегашните и идните оперативни потреби на „Македонскиот телеком“.
Ново на Сител
-
Велигденска честитка на на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени
-
Лавров: Украинскиот план вклучува повлекување на нашата војска од освоените територии
-
Најмалку четири лица загинаа во невремето во Шпанија
-
Земјотрес во Грција со јачина од 5,7 степени
-
Петровска: Судот донесе одлука дека Ковачки неправедно ме клеветел