Макрон: Со Велика Британија ќе ја продолжиме борбата против тероризмот
Францускиот претседател Емануел Макрон телефонски разговараше со британската премиерка Тереза Меј по нападот во Манчестер и изрази сочуство и солидарност со Велика Британија, соопшти денеска прес службата на претседателот.
„Претседателот на Републиката со Владата и со британските сили ќе ја продолжи борбата против теророризмот“, се наведува во соопштението и се додава дека Макрон ќе ја продолжи телефонската конверзација со британската премиерка за случувањата во истрагата, пренесуваат британските медиуми.
Австралискиот премиер, Малком Турнбул, денеска изјави дека нападот во Манчестер е „брутален напад врз младите каде и да било“, пренесуваат американските медиуми.
- Овој инцидент, напад, посебно е подол, посебно криминален, посебно страшно дело, бидејќи изгледа дека е директно насочен на тинејџери. Ова е напад врз невини. Сигурно не постои злосторство кое е понавредливо од убиството на деца, рече Турнбул во австралискиот Парламент.
Портпаролот на јапонската Влада, Јошихиде Суга, денеска го осуди нападот и изрази сочуство до семејствата на жртвите.
„Доколку е ова терористички напад, тој не може да биде оправдан ниту на еден начин и Јапонија цврсто го осудува ваквиот терористички акт. Јапонија се солидаризира со народот на Велика Британија“, наведе тој во соопштение.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица