Манолис Кефалојанис: Одлагањето на стартот на преговорите не треба да ги разочара Скопје и Тирана
Донесувањето одлука за старт на преговорите за членство на Северна Македонија и Албанија во ЕУ е одложено за мај 2020 и тоа не треба да ги разочара двете земји кандидати и нивните народи, вели претседавачот на Делегацијата на Европскиот парламент при Комитетот за стабилизација и асоцијација меѓу ЕУ и Албанија, Манолис Кефалојанис во интервју за „Јуропиан Вестерн Балканс“ (ЕВБ).
– Двете земји треба да продолжат со напоите за целосно спроведување на неопходните реформи без отстапување од нивната европска ориентација и нивната европска иднина. Грција смета дека во сегашните околности ЕУ може да го започне пристапниот процес, кој би довел до нивно вклучување во големото европско семејство. Тоа е нешто што би придонело за стабилноста и мирот на балканскиот регион, кој има искуство на многу турбуленции изминативе векови, вели грчкиот европратеник Кефалојанис, кој е член на владејачката партија во Грција, Нова демократија.
Тој се надева дека до мај идната година „ќе бидат отстранети сите забелешки на Франција“ и дека ќе почнат преговорите за членство со двете балкански земји.
Според Кефалојанис, евентуалното раздвојување на преговарачкиот процес на Северна Македонија и на Албанија би испратило „погрешна порака“ и би предизвикало повеќе проблеми, отколку што би решило.
– Тоа би отворило повеќе прашања поврзани со политичката стабилност во Албанија и би предизвикало антиевропски дискурс меѓу албанските лидери и општество, кои би увиделе дека нивните напори биле залудни, вели Кафалојанис во интервјуто за ЕВБ.
Ново на Сител
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција
-
Две лица загинаа кога воен авион се запали и се урна во близина на Алјаска | ВИДЕО