Меси е бр.1 за изминатава деценија во топ 5 првенствата на Европа
Бисерот на Барселона – Лионел Меси е најдобар во топ 5 првенствата во Европа за изминатава деценија во три важни фудбалски компоненти – голови, асистенции и победи, соопшти неговиот клуб.
Помеѓу 2010 и 2019 година, Барселона забележа 289 победи, од кои во 260 учествува Меси. Ова го става на прво место во оваа категорија меѓу играчите на Премиер лигата, Ла Лига, Серија „А“, Бундеслига и Лига 1. По него следи неговиот тимски колега Серхио Бускетс (260 победи), додека Жерард Пике се наоѓа на петтото место со 219 успеси. Меѓу нив се Кристијано Роналдо (244), Томас Милер (228) и Карим Бензема (исто така со 219).
За изминатата деценија,Болвата има постигнато 369 голови во шампионатот. Од 34 ривали во Ла Лига во последните 10 сезони, стрелецот нема постигнато само против Херез, а „омилени жртви“ му се Севиља и Валенсија, против кои има 24 и 22 голови, соодветно, во шпанската елита. Најдобрите шест во овој ранг се надополнети со Кристијано Роналдо (335 погодоци), Единсон Кавани (223), Роберт Левандовски (221), Луис Суарез (210) и Серхио Агуеро (198).
„Ла Пулга“ не сака само да постигнува гол, туку и да подава. Ова лесно можете да го видите во табелата на асистенти, на која води со 136. Вицешампион во оваа листа е неговиот сонародник Анхел Ди Марија (108 асистенции), а потоа следуваат Месут Озил (106), Томас Мулер (103), Кристијано Роналдо (95) и Давид Силва (94).
Барселона, исто како и Меси, е прва по голови и победиво најсилните европски првенства. Каталонците имаат 1.060 голови и 289 победи од 2010 година.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица