Мицкоски: Експертски закон за ЈО, а не закон кој треба да го спаси Заев од одговорност
ВМРО-ДПМНЕ останува на ставот експерти од Правниот факултет да го напишат новиот Закон за јавното обвинителство. Опозицискиот лидер Мицкоски утрово на социјалните мрежи уште еднаш побара, при изготвувањето на новиот Закон за ЈО, државата да се води од интересите на граѓаните, а не оди интересите на Заев, кој како што вели Мицкоски ќе стори се за да се спаси од одговорност.
„Законите треба да бидат напишани од стручната фела, од луѓе чиј интерес е само интересот на граѓаните а не интересот на Заев да се избега од одговорност. Македонија е земја на нејзините граѓани, а не само земја на една мала група на луѓе, одредено семејство, било тоа Заеви или некое друго. Како држава не смееме повеќе да грешиме. Го немаме тој луксуз ниту пак граѓаните го даваат тоа право. Само така Македонија ќе има иднина.“ – напиша Мицкоски на социјалните мрежи.
Тој вчера на прес конференција предложи 6 професори од Правниот факултет во Скопје кои би работеле на нов Закон за обвинителството кој како што рече, ВМРО-ДПМНЕ ќе го прифати.
Екс премиерот и лидер на СДСМ го одби овој предлог. Според Заев, земјава нема време неколку месеци да изготвува нов закон, бидејќи како што рече, Европа чека резултати. Спроед Заев, треба да се искористи периодот и да се даде аргумент плус на Брисел за одлука за старт на преговорите.
Законот за јавното обвинителство до крајот на неделава треба Владата и официјално да го испрати до Собранието. Власта се надева дека ќе собере 80 пратеници, колку што се потребни за негово донесување, поради што се водат интензивни преговори, пред се со пратениците кои добија црвен картон во ВМРО-ДПМНЕ.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто