Мицкоски за Законот за јазици: Да почекаме да дојде 11 декември, не постои опасност по безбедноста на државата
Да почекаме да дојде 11 декември, да видиме како сето ова ќе се развива и еволуира, рече денеска премиерот Христијан Мицкоски во врска со денот кога Уставниот суд треба да ја одржи расправата за уставноста на Законот за јазиците.
Според Мицкоски, се работи за уставни судии избрани од мнозинството предводено од СДСМ и ДУИ кои сега ДУИ ги критикува.
Премиерот е дециден дека не постои опасност по безбедноста на државата и покрај ставот на ДУИ според кој „овој Закон е производ на комплициран компромис, постигнат по долгогодишни напорни преговори, а одлука што би го прекршила би претставувала враќање во неизвесна и проблематична иднина“.
-Точно тоа што го зборувавме со трите члена, тоа е оспорено. Има и други иницијативи, но зборуваме за таа иницијатива што е во моментов актуелна. Тоа се уставни судии избрани од мнозинството предводено од СДСМ и ДУИ. Ниту ги познавам тие судии, ниту знам кои се. Напротив, некои од нив сме ги напаѓале. Да почекаме, да дојде 11 декември, да видиме како сето ова ќе се развива и еволуира. Вашата загриженост е на место зашто судиите избрани од ДУИ и СДСМ сега се напаѓани од истата таа ДУИ, а кога станува збор за заштита на криминалците кои правеле криминал тогаш истите овие обвинители и судии се во нивна одбрана. Малку чудно е ова ама ќе видиме, времето ќе покаже, одговори Мицкоски на новинарско прашање на прес-конференција во Владата.
Ново на Сител
-
Ѓоковиќ ја нарече неправедна казната на Јаник Синер
-
Кајри Ирвинг сака да настапува за Австралија
-
Арсенал казнет од Фудбалската асоцијација на Англија
-
Родителите оставија пораки во основните училишта во Нови Сад: Нема правда – нема училиште
-
Кина се надева дека „сите засегнати страни“ ќе учествуваат во мировните преговори за Украина
-
Еврогрупата го поддржува влезот Бугарија во Еврозоната откако ќе ги исполни поставените критериуми
-
Изгоре куќа во центарот на Куманово
-
Пронајдено оружје при претрес на два дома во Кичевско