Министерски состанок за Агендата за Западен Балкан за иновации, истражување, образование, култура, млади и спорт
Во Скопје денеска и утре ќе се одржува Министерски состанок за Агендата на ЕУ за Западен Балкан за иновации, истражување, образование, култура, млади и спорт.
Како што соопшти Делегацијата на Европската Унија во Скопје, Агендата го става регионот во добра насока за подлабока соработка со ЕУ и Министерскиот состанок ќе се фокусира на заедничките напори за нејзино спроведување.
-Министрите присутни на состанокот и сите други учесници ќе разговараат за важната улога на Европската истражувачка област и Европската агенда за иновации, во која сите партнери од Западен Балкан се целосно интегрирани, се наведува во соопштението.
Министерскиот состанок ќе биде од работен карактер, со само неколку седници отворени за медиумите.
Состанокот ќе го отвори Илиана Иванова, еврокомесар за иновации, истражување, култура, образование и млади. Предвидено е присуство и обраќање на министри од Северна Македонија и од регионот, како и претставници од релевантните директорати на Европската комисија, меѓународни организации и од бизнис-заедницата.
Настанот ќе почне вечер со една од сесиите и ќе продолжи утре кога ќе биде и официјалното отворање на Министерскиот состанок со учество на министрите за обрзование и наука и за култура, Весна Јаневска и Зоран Љутков, и министерот за култура и иновации Балаш Ханко од унгарското претседателство со Советот на Европската Унија.
Ново на Сител
-
Министерски состанок за Агендата за Западен Балкан за иновации, истражување, образование, култура, млади и спорт
-
Израелската војска соопшти дека извршила „десетици“ нови напади против Хезболах во Либан
-
Парламентарни избори во Австрија
-
Најмалку 100 луѓе го загубија животот во поплавите во Непал, 67 се водат како исчезнати, училиштата се затворени
-
Сообраќајот на државните патишта се одвива непречено
-
Повремени врнежи и грмежи и засилен северен ветер
-
Адвокатот кој стана министер за внатрешни работи | Панче Тошковски | Неформално | Sitel Podcast 059
-
Мајка го тепала синот и кршела по дома, таткото пријавил во полиција