МЗТ Скопје без Симоновски против Партизан

Македонскиот кошаркарски шампион МЗТ Скопје ослабен ќе настапи на утрешниот дуел од АБА лигата во Белград против Партизан. Во текот на вчерашниот ден тренинзите ги пропушти репрезентативецот Марко Симоновски, поради влошена здравствена состојба (вирусна инфекција). По препорака на лекарите потребно е неколку дневно мирување во домашни услови.

Ова е само дополнителен удар за ионака десеткуваниот тим со кој располага тренерот Анте Назор, во кој на претстојниот дуел со белградските „црно-бели“ нема да настапат Даниел Кларк (повреда) и Ксавиер Темс (семејна трагедија).

Местото во составот на Симоновски ќе го пополни младиот Мартин Милевски, за кога ова треба да биде прв настап во АБА лигата.