Македонија
16. April 2019 - 13:40

На видиковецот кај Козјак никнува ресторан

Ресторан со придружни содржини почна да се гради на видиковецот кај Света Петка на патот кон езерото Козјак. Градежните машини се на локацијата и го расчистуваат теренот.

На таблата поставена на ограденото градилиште пишува дека одобрението за градба е издадено од Општина Сопиште на 10 мај 2017 година. Инвеститор е Влатко Костенчев, а гради Кат-инг градба доо Скопје.

Од Општина Сопиште информираа дека е предвидена изградба на ресторани, сместувачки капацитети од тип на бунгалови и спортски игралишта. Според ДУП-от, предвидено е 70 отсто да биде зеленило. Станува збор за ДУП за туристичко-рекреативен спортски центар „Козјак“ изработен од Министерството за транспорт и врски, со согласност од „Јасен“, МЗШВ, МЖСПП и Министерството за култура.