Националниот Фронт бара заем од 27 милиони евра од Русија
Националниот Фронт (НФ) бара заем од 27 милиони евра од руските банки, изјави благајникот на партијата на крајната десница, Валеран де Сант-Жуст. Овие средства би биле наменети за финансирање на предизборната кампања за претседателските избори во 2017 година, јавува дописникот на МИА од Париз.
Информацијата беше прво објавена на француското приватно радио Еуроп1, според која партијата на Марин Ле Пен има потреба од 12 милиони евра за финансирање на претседателските и 15 за парламентраните избори во 2017 година, за што има намера да се сврти повторно кон Русија.
Француските банки не се многу расположени да му позајмуваат на НФ, но по одбивањето на сметките на кампањата на Никола Саркози тие станаа позатворени за финансрањето на политичките партии воопшто.
НФ веќе има добиено кредит од девет милиони евра во 2014 година од Русија, што предизвика полемика во Франција, запрашувајќи се што добива за возврат поради оваа помош.
- Владимир Путин ве финансира, бидејќи вие сте пион во неговата стратегија за распаѓање на Европа, нападна првиот секретар на Социјалистичката партија, Жан-Кристоф Камбаделис.
Во тој момент Марин Ле Пен го објави писмото со кое француските банки одбиваат да и позајмат на нејзината партија, нагласувајќи дека помошта од Русија не влијае врз нејзината политика.
Ново на Сител
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили