-->
-->
Награди за учесниците на „Пијанечки денови на сливата 2016“
-->
Првата награда на петтите „Пијанечки денови на сливата 2016“ им припадна на претставниците на ООУ „Ванчо Прке“ од Делчево за нивниот штанд, каде понудија најразлични специјалитети подготвени од сливи, втората награда ја доби Маја Георгиева од Делчево за нејзините специјалитети, а третата на Дејан Арсовски кој вчера пред летната сцена во Делчево вареше ракија.
Како што информираше Тони Стоименовски, од ЛЕР во Општина Делчево, годинава одзивот на граѓаните за учество на оваа манифестација е голем.
- Годинава имаме 16 штандови каде е изложена традицијата и умешноста на домаќинките кои подготвија најразлични специјалитети од сливи. Тука се и учениците од СОУ „М. М. Брицо“ од Делчево од прехранбената насока, кои на отворено варат мармалад , но по рецепт од старите, но имаме и четворица наши сограѓани кои ги донесоа своите казани за варење ракија од слива која е позната од овој регион, рече Стоименовски.
Тој додаде дека со оваа манифестација Делчево го слави својот бренд модрата слива.
Во регионот сливарството е најзастапена овоштарска гранка. Може да се каже дека нема семејство во Делчево кое нема свои насади со сливи и не подготвува ракија или други производи од сливите. Сакаме оваа манифестација да ја направиме еден вид и туристичка атракција, каде ќе се слави традицијата и нашиот бренд сливата, рече Стоименовски.
На летната сцена синоќа имаше и богата културно-уметничка програма, а Пијанечките денови на сливата завршија со концертот на Наум Петрески и Зуица Лазова.
-->
-->
-->
Ново на Сител
-
Граѓаните гласаат за седми претседател на државата
-
Изборните денови 24 април и 8 мај неработни за сите граѓани
-
Јавниот превоз во Скопје со неделен возен ред, жичницата на Водно нема да работи
-
Американскиот Сенат одобри 95 милијарди долари помош за Украина, Израел и Тајван
-
Лични документи можат да се подигнат и денеска
-
Променливо облачно со сончеви периоди, на крајот на денот дожд
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор