Најстудено во Берово и Крива Паланка
Најниска температура во Македонија, минус 13 степени, изутрина во седум часот е измерена во Берово, по што следат Крива Паланка со минус 11 степени и Маврово со минус десет, соопшти Управата за хидрометеоролошки работи (УХМР).
Во Лазарополе и во Крушево се регистрирани минус осум степени, минус седум во Дебар, минус шест во Струмица, Претор и Штип, минус 5 во Куманово и Виница, минус 4 во Скопје, Битола, Прилеп, Тетово и Охрид, минус два во Демир Капија, минус еден во Кавадарци и Дојран, а нула во Гевгелија.
Снежна покривка со висина од 33 сантиметри има во Маврово, 27 во лазарополе, 25 во Берово, 17 во Пожаране и Крушево...
Времето денеска ќе биде претежно сончево, претпладне во западните делови променливо облачно. Ќе дува слаб до умерен северен ветер, особено во источните делови и долж Повардарието. Максималната температура ќе биде во интервал од -5 до 3 степени.
Во Скопје претежно сончево со слаб до умерен северозападен ветер, со максимална темпетарура до 0 степени.
Во наредните денови продолжува периодот на претежно стабилно и студено време со ниски утрински температури. Најстудено ќе биде утре наутро, кога на повеќе места температурата ќе се спушти под -12 степени. Од средина на неделата ќе има извесно затоплување, соопшти УХМР.
Ново на Сител
-
Средба Мицкоски-Орбан и заедничка владина седница во Охрид
-
УЈП најави строги контроли на претстојните „Денови на кочанскиот ориз“
-
Денеска е Светскиот ден на туризмот
-
Преглед на вестите од светот
-
Ќе ќари ли Бугарија поени откако падна одлука Тирана и Скопје одделно да чекорат до ЕУ?
-
Тема на денот со Игор Митревски, инженер и специјалист за безбедност во сообраќај
-
Орбан пристигна во Охрид
-
Општините да внимаваат како ќе ги трошат парите од унгарскиот заем