Намалени цените на мало
Трошоците на животот во октомври годинава се исти како во претходниот месец, а цените на мало се намалиле за 0,3 отсто.
Според податоците на Државниот завод за статистика, пораст на трошоците за живот е забележан во подгрупите јајца и свеж и разладен зеленчук освен компир за 1,1 отсто, безалкохолните пијалаци за 0,4, месото и млекото за 0,3 отсто. Пораст има и кај туристичките пакет-аранжмани за 4,9 проценти, обувките за 3,4, гасот за домаќинствата за 2,9, болничките услуги за 2,8, текстилот за домаќинствата за 1,3, течните горива за домаќинствата за 0,8, течните горива и мазива за 0,7, накитот и часовниците за 0,6, мебелот за домаќинствата за 0,5, облеката, малите електрични апарати за домаќинствата и лековите за 0,4, големите електрични апарати за домаќинствата за 0,3 и игри, играчки и хоби за 0,2 процента.
Намалување на трошоците на животот е забележано кај свежото и разладеното овошје за 5,4 отсто, другите пекарски производи за 1,7, сувото овошје и јаткастите производи за 1,1, замрзнатиот зеленчук освен компир за 0,8, маслото и маснотиите за 0,7, оризот за 0,5, другите прехранбени производи за 0,4, рибата и морските плодови за 0,3 отсто. Намалување на трошоците на животот има и кај авионскиот превоз на патници за 17,6 проценти, информатичката опрема за 2,4, медицинските и парамедицинските услуги за 1,9, средствата за чистење и одржување на станот за 1,6, услугите и предметите за лична хигиена за 0,3 проценти.
Трошоците на животот, пак, во споредба со истиот месец лани бележат пораст од 0,2 отсто, а цените на мало пораснале за 0,5 проценти.
Ново на Сител
-
Тема на денот со Филип Рикер, поранешен амбасадор на САД во Македонија
-
„Алкалоид“ пушти во употреба нов светски погон за производство на лекови вреден 19.4 милиони евра
-
Четири години Македонија членка на НАТО
-
Гир: Не е точно дека ЕУ не ја сака Македонија, членството е лесно достижно
-
Тошковски: Сериозно сум загрижен за изборниот процес
-
Се заокружуваат предизборните коалиции
-
Азески: Економијата да биде приоритет, а политичарите да ги исполнат ветувањата
-
Приватните специјализанти на протест – нема корекција на плати пред избори, им вратија надлежните