Настапи на Куманово и Карпош Соколи во регионалната БИБЛ лига

 Две екипи македонски претставници во регионалната кошаркарска Балканска лига (БИБЛ) денеска ќе имаат свој настап и тоа пред своите симпатизери.

 

Во рамките од 3.коло на Д групата, кошаркарите на Куманово го пречекува составот на Пеќ против кој ќе се обидат со победа да го да го осигураат првото место во групата, а со тоа да обезбедат и директен пласман во полуфиналето.

 

Во Скопје, Карпош Соколи против црногорскиот тим Теодо ќе се обиде да остане во игра за место кое носи пласман во плејофот.

 

Во пресрет на 3-тото претпоследно коло од втората фаза, Куманово со 7 бодови е водечки тим во Д групата, пред Теодо и Пеќ кои имаат по 6, а Карпош Соколи има 5 бодови.

 

Вчера во првиот меч од ова коло во Ц групата, Кожув пред својата публика убедливо ја совлада Сутјеска со 94-65, додека во четврток Фени Индустри ќе гостува кај бугарската екипа Берое.

 

Токму, тимот на Берое е водечки во оваа група со 8 бодови, Кожув и Сутјеска кои имаат по 7 и Фени Индустри со 5 бода.