Навреме започна изборниот процес во општините Охрид и Дебрца
Изборниот процес од вториот круг на локалните избори за избор на градоначалник на општините Охрид и Дебрца се одвива непречено и во демократска атмосфера, на сите гласачки места.
Од ОИК на Охрид и Дебрца информираат дека сите избирачки места во двете општини се отворени навремено и изборниот процес се одвива согласно правилата и протоколите. Од тоа што беше соопштено од ОИК, има мали процедурални потешкотии во процесот на утврдување на идентитетот на гласачите преку апаратите за отпечатоци, но сега тоа е значително помалку изразено споредбено со првиот изборен круг.
Инаку, во Oпштина Охрид се евидентирани вкупно 52.426 граѓани со право на глас, кои своето изборно право ќе можат да го остварат на 88 избирачки места.
Во вториот круг за градоначалничката функција во Охрид во трка се двајца кандидати. Што се однесува на Општина Дебрца, таму право на глас имаат 4.350 лица кои ќе гласаат на 28 избирачки места. Во трка за градоначалничката функција се двајца кандидати.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност