Кошарка
2. September 2020 - 9:51

НБА: Денвер ја елиминира Јута за конференциско полуфинале

Денвер Нагетс ја совладаа Јута Џез 80:78 и се пласираа во полу-финалето во Западната конференција. Нагетс серијата против Јута ја добија со 4:3, иако нивните противници имаа предност од 3:1.
 
Мајсторката помеѓу Денвер и Јута беше најлошиот меч во оваа возбудлива серија. Двата тима заедно постигнаа само 158 поени. Потфрлија најдобрите играли во оваа серија Џамал Мареј (Денвер) и Донован Мичел (Јута).
 
Кај Денвер блескаше Никола Јокиќ кој постигна една третина од поените на тимот. Српскиот центар ги постигна клучните поени на 17,5 секунди до крајот на мечот. Јокиќ мечот го заврши со 30 поени, 14 скока и 4 асистенции. Покрај Јокиќ двоцифрени кај Денвер беа уште Мареј (17 поени) и Мајкл Портер (10 поени, 9 скока).
 
На спротивната страна Руди Гобер забележа 19 поени и 18 скокови. Најефикасен кај Јута беше Мичел кој во последниот период постигна само еден поен.
 
Денвер во полу-финалето ќе играат против ЛА Клиперс.