Кошарка
4. December 2019 - 10:43

НБА: Лејкерси се вратија на победите

Седум натпревари се одиграа во НБА-лигата изминатата ноќ. Индивидуално се истакнаа Лука Дончиќ и Џејмс Харден.
 
Далас победи во Њу Орлеанс, 118:97. Доночиќ оствари рекордни во кариерата 18 скока, на кои придодаде 33 поени и пет асистенции.
 
Хјустон загуби во Сан Антонио по две продолженија со 135:133.
 
Во регулраниот дел Вокер погоди за Сан Антонио израмни на 115:115, а потоа Харден утна шут за победа. „Брадата“ беше трагичар и во продолженијата, утна за победа на истекот на првото продолжение, а не се прослави ниту во второто продолжение. Тој го направи фаулот што му овозможи на Сан Антонио да поентира за победа.
 
Харден мечот го заврши со 50 поени, но со ужасен шут од поле (11/38). Сан Антонио до победата го предводеше Вокер со 28 и Форбс со 25 поени.
 
ЛА Лејкерси победија во Денвер 105:96. Леброн Џејмс и Ентони Дајвис постигнаа по 25 поени, Леброн имаше и шест скока и девет асистенции, а Дејвис забележа и десет скока.
 
Кај Денвер потфрли Никола Јокиќ (13 поени, 4 скока).
 
Резултати:
 
Кливленд-Детроит 94:127
Вашингтон-Орландо 120:127
Торонто-Мајами 110:121
ЛА Клиперс-Портланд 117:97