Не добил пари па ја убил, приведен роднина за убиството на жената во Струмица

25 годишен струмичанец е осомничен за убиството на 83 годишната жена која пред четири дена беше пронајдена мртва во нејзиниот дом. Се работи за нејзин роднина кој прво и побарал пари, а откако не ги добил ја нападнал. 25-годишникот е приведен и веќе го признал делото. 

- На 23.01 2023 од страна на полициски службеници од СВР Струмица во содејство и координација со Оддел за криминалистичка полиција, Сектор за општ и насилен криминал лишен е од слобода П.И.(25) од Струмица, кажа Александра Трајанова, портпарол на СВР Струмица. 

Против осомничениот СВР Струмица поднесе кривична пријава, а е побарана и мерка притвор.

83-годишната жена беше пронајдена мртва во петокот на 20 јануари. Неколку часа пред немилиот настан соседите ја виделе како се враќа од црква.