Балкан
24. October 2020 - 15:19

Неизвесно заздравувањето на албанската економија,според СБ надворешниот долг ќе порасне на 81,4 отсто

Економското закрепнување на Албанија ќе биде тешко по двата „удари“ што ги доби, оној на земјотресот на 26 ноември минатата година и пандемијата со коронавирусот.

Светската банка во јуни предвиде пад на економјата за 5 отсто,но експертите веќе констатираа дека падот ќе достигне 8,4 отсто до крајот на оваа година. Овој процент е повисок од планираниот на албанските институции кои предвидуваат пад од 6,1отсто.

Според оваа проекција, ниските приходи и високиот фискален дефицит се очекува да го зголемат јавниот долг на Албанија на 81,4 отсто од бруто домашниот производ(БДП).

-Од друга страна, заздравувањето се предвидува да биде бавно со пораст од 5 отсто во 2021 година како резултат на зголемувањето на извозот, потрошувачката и инвестициите. Овие предвидувања ќе бидат валидни доколку пандемијата успее да се држи под контрола до крајот на годинава,што значи дека заздравувањето на албанската економија е неизвесно, пренесува Ора њуз телевизија.

Според истиот извор економската криза предизвика проблеми на пазарот на трудот во Албанија и во овие услови перспективата за вработување зависи главно од закрепнување на услужните сектори и вредноста на

инвестициите во обновувањето на последиците од заемјотресот и паднемијата во земјата.