Неопходен координиран пристап против родово заснованото насилство
Премиерот Зоран Заев денеска повика на координиран и искрен пристап на сите институции, сите министерства, во справување со родово заснованото насилство и за усвојување на потребните законски измени. Во тоа, како што нагласи, координацијата меѓу министерствата за труд и социјална политика, за здравство и за внатрешни работи е од клучно значење.
- Да не заборавиме дека ова е обврска на целата Влада, на целото општество кое мора цврсто да се спротивстави и да каже не за насилстовто врз жените, рече Заев на настанот „По ратификацијата: што е следно по Истанбулската конвенција“.
Тој потсети дека веќе е формирано активно национално координативно тело против семејно насилство кое треба да прерасне и да се трансформира во национално координативно тело против родово засновано насилство.
- Со одлука на Владата ја формиравме интересорската советодавно консултативна група за еднакви можности на жените и мажите, рече Заев. Додаде дека Владата е подготвена да работи на системско унапредување на родовата еднаквост и елиминирање на сите форми на насилство врз жените.
Настанот е во организација на Канцеларијата на ОН во Република Македонијна по повод Меѓународниот ден на жените, а покрај Заев се обратија и министрите за здравство и труд и социјална политика, Венко Филипче и Мила Царовска.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка