Непознати напаѓачи во предградие на Каиро убиле осуммина полицајци во цивил
Непознати напаѓачи ноќеска во округот Хелван, јужно од Каиро, убиле осум египетски полицајци во цивил, информира денеска египетското Министерство за внатрешни работи, пренесе Танјуг.
Полицајците патувале во комбе кога напаѓачите со пик-ап им го блокирале патот и полициското возило го засипале со рафален оган, се наведува во соопштението на министерството, пренесуваат британските меидуми.
Меѓу погинатите се еден полициски поручник и седуммина полицајци, кои биле во патрола кога доцна синоќа упаднале во заседата, наведува министерството.
Се уште никој не ја презеде одговорноста за нападот, но џихадистите, вклучувајќи ги и оние од Исламска држава, последните години убија стотици египетски полицајци и војници во нивните напади, главно на Синајскиот Полуостров, но и во и околу Каиро.
Египетските криминални банди, исто така, во повеќе наврати убиле полицајци, но денешниот напад ги има сите карактеристики на нападите на џихадистите, кои во Египет се присутни откако од власта во 2013 година беше соборен претседастелот Мохамед Морси.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка