Нови 339 случаи на Ковид-19 во Грција, дополнителни мерки во поширокиот регион на Атина
Дозволено собирање на најмногу девет луѓе на отворено и затворено, откажување концерти и кино проекции во затворени сали, дозволени најмногу 20 лица на свадби, крштенки и погреби, задолжително работење на далечина за 40 отсто од вработените во приватниот и јавниот сектор, онаму каде што е изводливо, се дел од дополнителните мерки за областа Атика, поширокиот регион на Атина, кои ги соопшти заменик-министерот за цивилна заштита на Грција Никос Хардаљас на денешната редовна прес-конференција за ситуацијата со Ковид-19, јави дописничката на МИА од Атина.
Мерките, за кои рано утрово се разговараше и на состанокот со грчкиот премиер, стапуваат на сила во понеделник, а ќе важат до 4 октомври и се донесени поради тоа што од 4.084 активни случаи во Грција, повеќе од половина, односно 2.100 се во областа Атика, а 966 се во општина Атина.
Хардаљас рече дека податоците покажуваат дека во конкретната област постои голема раширеност на коронавирусот меѓу вработени во приватниот сектор (29,07 отсто од заразените). Веднаш зад нив, се пензионерите и невработените со по 13 проценти.
Препораката на грчката Влада до оние кои се над 65 години или припаѓаат на ранливите категории е во следните 14 дена да ги ограничат движењата, да избегнуваат користење на јавен превоз и да избегнуваат контакти со други луѓе.
Во изминатите 24 часа во Грција се регистрирани 339 нови случаи на Ковид-19, а починаа две лица, со што бројот на заразени се зголеми на 14.738, а на починати на 327 лица.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка