Обезбедена поддршка од унгарската Влада за спроведување на регионална политика како дел од процесот на приближување кон ЕУ
Рамномерниот регионален развој и ЕУ фондовите за размена на искуства со Република Унгарија се дел од темите на кои разговарале министерот за локална самоуправа Сухејл Фазлиу и државниот секретар од унгарското Министерството за финансии Ракози Балаж.
– Државниот секретар му изрази силна поддршка на нашето Министерството за локална самоуправа (МЛС), за спроведување на регионалната политика и беше договорен Меморандум за разбирање и соработка на билатерално ниво, кој се очекува да биде потпишан во септември по усогласување и потврдување од страна на Владите на двете држави, соопшти прес-службата на Министерството.
Министерот Фазлиу, кој е во студиска посета на Унгарија, ја искористил можноста за да го потенцира процесот на проценка на спроведување на законот што е во сила и изработката на нова десет годишна стратегија за рамномерен развој, која ќе треба да ги земе предвид досегашните искуства, како и добрите практики што се реализираат во земјките членки, како што е Унгарија.
Меѓу другото, министерот упатил благодарност до унгарската Влада за поддршката што таа ѝ ја дава на нашата држава во напорите за приклучување кон ЕУ.
– Искуствата што нашиот тим од претставници од Министерството за локална самоуправа, ќе ги добие од своите унгарски колеги ќе биде од важност за заокружување токму на процесот на проценка и драфтирање на препораки и цели за постигнување рамномерен развој на целата територија на нашата земја во новата стратегија, се наведува во соопштението на МЛС.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово