Џет-Сет
21. March 2019 - 15:01

Објавен првиот трејлер за новиот филм на Квентин Тарантино

Деветтиот филм на култниот режисер Квентин Тарантино, „Беше еднаш во Холивуд“ (Once upon a time in Holywood) својата премиера ќе ја има на крајот на јули, а сега е објавен првиот тизер трејлер.

Филмот раскажува приказна од 1969 година од Лос Анџелес, во времето на убијците на Чарлс Менсон, каде се’ се менува, а телевизиската ѕвезда Рил Далтон (Леонардо ДиКаприо) и неговиот долгогодишен дублер Клиф Бут (Бред Пит) се обидуваат да го најдат местото во индустријата која повеќе не ја препознаваат.

Во филмот глумат и Маргот Роби, Курт Расел, Ал Пачино, Тим Рот и Мајкл Медсен.