Свет
6. July 2017 - 15:53

Од Мосул дневно бегаат по околу 2.000 луѓе

Ирачкиот разузнавачки офицер Калид Џабури, кој врши надзор на контролен пункт во Мосул, изјави дека во текот на минатата недела низ тој пункт минувале по околу 2.000 луѓе дневно бегајќи од ИД.

Џабури вели дека осомничени за врски со таа џихадистичка група се држат во напуштен луна-парк покрај напуштен хотел на исток во градот.

ОН соопштија дека бројот на бегалци е меѓу 2.000 и 3.500 секој ден.

Ирачките сили се приближуваат до последните места под контрола на ИД во Стариот град на Мосул што е подрачје помало од еден квадратен километар. Според ОН, битката за Мосул трае речиси девет месеци и за тоа време раселени се повеќе од 890 илјади луѓе.