Одбраната изведува материјални докази за настаните од 27 април во Собранието
Судот го прифати барањето на одбраната за сослушување на началникот на дигитална форензика во МВР, во врска со изработените вештачења презентирани на претходните рочишта, но не прифати нивно одвојување од листата на докази.
Денешното рочиште на судењето за организаторите на настаните од 27 април во Собранието, продолжува со изведување на материјални докази од одбраната, а Маријан Стоилковски – началник во МВР за време на изготвување на вештачењата на мобилните телефони ќе биде дополнително повикан и сослушан.
Судијата Илија Трпков, рече дека се прифаќа предлогот Маријан Стоилковски, вработен како началник на дигитална форензика во МВР да биде сослушан како сведок.
– Предлогот да бидат издвоени од листата на докази исказите на тројцата сведоци за вештачењата кои ги изработиле како вработени во МВР се одбива како неоснован. Одбраната може да ги побие и повика свои сведоци кои може да ги побијат ваквите докази, изјави судијата Трпков.
Адвокатот Еленко Миланов, на почетокот на денешното рочиште, побара судот да ги издвои од листата на докази вештачењата претставени на претходните две рочишта, бидејќи како што рече, сите тројца пред судот кажале дека немаат лиценца на вештак.
– Ниту институцијата која овие тројца ја претставуваат нема лиценца за вршење телекомуникациски и дигитални вештачења, изјави Миланов.
Пред да се продолжи со изведување на докази од одбраната, рече Миланов, барам во судот да бидат повикани и сослушани одговорните лица кои ги потпишале и одобриле овие вештачења.
Јавната обвинителка Ивана Трајчевска побара да не биде прифатен предлогот на одбраната, нагласувајќи дека станува збор за докази од кои ќе се утврдат релевантни работи важни за случајот, а кои не се прибрани на незаконит начин.
– За да ги извршат вештачењата лицата требале да имаат познавања и сертификати за работа со одредени софтвери кои се меѓународно признати и кои, овие лица ги поседуваат. Затоа предлагам судот да не го прифати барањето на одбраната, изјави Трајчевска.
Барањето на одбраната за сослушување на одговорните лица од каде се изработени вештачењата, рече Трајчевска, сметам дека е само со цел за одолговлекување на постапката.
Случајот се наоѓа во доказна постапка и го води судијата Илија Трпков.
Обвинети во овој предмет се поранешниот претседател на Собранието, Трајко Вељаноски, ексминистрите за транспорт и врски и за образование, Миле Јанакиески и Спиро Ристовски, како и поранешниот директор на УБК, Владимир Атанасовски.
Тие се товарат дека сториле кривично дело „терористичко загрозување на уставниот поредок и безбедноста“.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено