Охридските угостители нема да ги покачат услугите

Охридските угостители чекаат зелено светло за отворање на објектите. Во кафетериите и рестораните долж Охридското езеро терасите се исчистени и наместени во очекување на одлуката на Владата. Тие негираат било какви поскапувања на цените на услугите и тврдат дека истите ќе бидат прилагодени според стандардот со оглед на тоа дека оваа сезона ќе се привлекуваат токму домашните туристи.

Граѓаните едвај чекаат да се отворат угостителските објекти но со задолжителни препораки и примамливи цени за посетителите.

Инаку туристичките работници додека ги чекаат официјалните протоколи за работа кои ова лето ќе бидат без масовни собирања и живи свирки поради состојбата со корона вирусот спасот го гледаат туристите од нашата земја.